ТРОПАРЬ ПРОРОКУ ИЛИИ
Во плоти Ангел, / пророков основание, / вторый Предтеча пришествия Христова, Илия славный, /свыше пославый Елисееви благодать / недуги отгоняти/ и прокаженныя очищати, /темже и почитающим его точит исцеления.
МОЛИТВА ПРОРОКУ ИЛИИ
О святый пророче Божий Илие, моли о нас Человеколюбца Бога, да подаст нам, рабам Божиим (имена), дух покаяния и сокрушения о гресех наших, и всесильною Своею благодатию да поможет нам пути нечестия оставити, преспевати же во всяком деле блазе, и в борьбе со страстьми и похотьми нашими да укрепит нас; да всадит в сердца наша дух смирения и кротости, дух братолюбия и незлобия, дух терпения и целомудрия, дух ревности ко славе Божией и о спасении своем и ближних доброе попечение. Отврати от нас предстательством твоим праведный гнев Божий, да тако в мире и благочестии поживше в сем веце, сподобимся причастия вечных благ во Царствии Господа и Спаса нашего Иисуса Христа, Емуже подобает честь и поклонение, со Безначальным Его Отцем и Пресвятым Духом, во веки веков.
![[015]](./images/smilies/015.gif "[015]")
![[0bb12]](./images/smilies/0bb12.gif "Целую!")
![[017]](./images/smilies/017.gif "[017]")